نريح شوية من اكل اللحمة ونجرب الخضار مفيد جدا
وطبعا لم نعمل كده اللحمة هترخص والخضار هيغلى ويكون تمن اللحمة
ساعتها بقى نريح من الخضار
يا نقول المقادير يا حلوين
1*نصف كيلو كوسة
2*ربع كيلو جزر
3* 3حبات بطاطس
4*ربع كيلو بسلة
5*ربع كيلو فاصوليا خضرا مسلوقة
وممكن نضيف اي خضروات نحبها المهم بعد عن اللحمة دلوقت
تحذيرر/اوعو تضحكوا علي وتحطو لحمة هاشم ريحتها من هناهتلاقوني عندكم على طول وانتم حرين بقى
6*وكمان ما ننسى فصين توم مفرومين
7*وربع معلقة جنزبيل اخضربرضه مفروم
8*2حبات طماطم
9*1 ملعقة سمن كبيرة
10* معلقة صغيرة ملح
11*معلقة كاري
12*معلقة فلفل ابيض
13*كوب ونصف ماء
نيجي بقى للطريقة مع اني زهقت من كتر المقادير لكن علشان بحبكم هاكمل علشان تعزموني بعد ما تجربوا اكلاتي
الطريقة
1*تقشر البطاطس وتقطع مكعبات وتتغسل كويس وتنقع مع اضافه الملح وتتنقع لفترة وبعد كده تتقلي في الزيت لحد ما تكون ذهبي
2*نقشر الكوسة ونقطع راسها وجزء من اسفل وتقطعها على شكل دوائر
3* نقشر الجزر ونقطع دوائر
4*نغسل الفاصوليا الخضراء كويس ونقطعها قطع صغيرة
5*نولع الفرن ونسيبة والع لوحده لمدة ربع ساعة لحد ما يسخن كويس
6*والحرارة لازم تكون هادية جوة الفرن
7*وبعدين نحط الكوسا والبصل والفاصوليا ونحط فوقها معلقتين سمن كبار والتوابل ونحط كمان الماء
8*نحط كل ده في الفرن ونحط بعد كده البطاطس ونخلط كل حاجه على بعضها ونسيهبها خمس دقايق كمان في الفرن بعد ما حطينا البطاطس المحمرة
ونطفي الفرن ونفتح باب الفرن لحوالي عشر دقائق لحد ما المكونات تتماسك مع بعضها
وبالهنا والشفا يا حبايب
ليست هناك تعليقات:
إرسال تعليق